हामी सबैकाे संसारन्यूज

काठमाडौं । विगत एक वर्षमा लघुवित्तहरुबाट कर्जा लिने आठ सय २७ व्यक्तिहरु कर्जा सूचना केन्द्रको कालो सूचिमा परेका छन् । केन्द्रले प्रकाशित गरेको पछिल्लो तथ्याङ्कमा यस्तो देखिएको हो । केन्द्रले २०७९ साउन २४ गतेदेखि मात्र लघुवित्तका ऋणीहरुलाई कालो सूचिमा राख्न थालेको छ ।

बैंकहरुले केन्द्रमार्फत वि.सं. २०४६ सालदेखि बैंकको कर्जा नतिर्ने ऋणीहरुको नाम कलोसूचीमा राख्दै आएको छन् । केन्द्रका अनुसार हालसम्म बैंकहरुको कर्जा नतिर्ने व्यक्ति तथा संस्थाहरुको संख्या ५९ हजार एक सय छ पुगेको छ । बैंकहरुको कर्जा नतिरेर कालोसूचीमा पर्नेहरुको संख्या बढे पनि लघुवित्तको कर्जा नतिरेर कालो सूचीमा पर्नेहरु थिएनन् ।

अवान्छित गतिविधि गर्नेहरुका कारण लघुवित्तको कर्जा लिनेहरु कलो सूचीमा

पछिल्लो समय लघुवित्तहरुबाट कर्जालिनेहरु समेत कालो सूचीमा पर्नथालेपछि बैंकरहरु चकित पर्न थालेका छन् । लघुवित्तहरुले सामुहिक जवानी विना कर्जा प्रवाह गर्दैनन् । सामुहिक जवानीमा प्रवाह गरेको कर्जामा पनि कालो सूचीमा पर्नु आश्चार्यजनक भएको एक बैंकरले बताए ।

पछिल्लो पटक एउटा अराजक समूहले बैंकको कर्जा नतिर्न भनेका कारणले पनि लघुबित्तहरुले निर्माण गरेका समूहरुले समूहिक रुपमा नै कर्जा नतिरेको हुनसक्ने ति बैंकरको भनाई छ ।

लघुबित्तहरुको गउँगाउँमा समूह समूहको संजाल छ । तिनै समुहहरु मार्फत उनीहरुले समूहिक जमानीमा कर्जा प्रवाह गर्ने गर्दछन् । समूहको कुनै एक सदस्यले कर्जा नतिरेको अवस्थामा समूहका अन्य सदस्यले दामासाहीमा कर्जा तिनुपर्ने हुन्छ । त्यसैले वैकिङ प्रणालीमा लघुवित्तलाई कम जोखिमपूर्ण क्षेत्रको रुपमा लिइन्छ ।