Sansar News
काठमाडौं । प्रतिनिधिसभाको बैठक फेरि स्थगित भएको छ ।
बुधबार बसेको बैठकमा प्रमुख प्रतिपक्षी नेकपा (एमाले)का सांसदहरुले सय केजी सुन काण्डमा उच्चस्तरीय छानबिन समितिको माग गर्दै अवरोध गरेपछि बैठक स्थगित भएको हो ।
संसदमा एमालेका सांसदहरुले नाराबाजी गरेका थिए । त्यसअघि बोलेका एमालेका सांसद सुर्य थापाले उच्चस्तरीय छानबिन समिति गठन नभई बैठक सूचारु हुन नसक्ने बताएका थिए ।
“सुन तस्करीका सन्दर्भमा हामीले पटक–पटक आग्रह गरेका छौं, साउन २ गतेको सन्दर्भमा आजसम्म पनि सत्तापक्षले छानबिन गर्ने कुनै मनासाय देखाएको छैन”, उनले भनेका छन् ।
जसलगत्तै ‘गृहमन्त्री राजीनामा दे’, ‘छानबिन समिति गठन गर’ भन्दै एमालेका सांसदहरुले रोष्टम घेरेका थिए ।
सभामुखले आगामी शुक्रबारसम्मका लागि बैठक स्थगित गरेका छन् ।
वि.सं.२०८० साउन २४ बुधवार १३:३३ मा प्रकाशित
