Sansar News
दाङ । पूर्वसभामुख कृष्ण बहादुर महराले सुन प्रकरणमा सरकारलाई सघाउन आफु तयार रहेको बताएका छन् ।
मंगलबार बिहान दाङमा पत्रकारहरुसँग कुरा गर्दै माओवादी केन्द्रका उपाध्यक्ष समेत रहेका महराले सुन तस्करी प्रकरणमा आफ्नो नाम जोडिएर आएको विषयमा सरकारलाई अनुसन्धानमा सघाउन तयार रहेको बताएका छन् ।
उनले सुन प्रकरणमा आफ्नो नाम बाहिर आएपछि सरकारलाई अनुसन्धान तथा छानविनका लागि आफु तयार रहेको भन्दै आएको तर नबोलाएको बताए । ‘अनुसन्धानमा सघाउन तयार छु मलाई बोलाउनुस् पनि भनेको छु । तर बोलाउँदैनन् के गर्नु ?’ उनले भने ।
उनले आफुसँग नाम जोडिएका चिनीयाँ नागरिकलाई फलफूल व्यापारीका रुपमा मात्र चिनेको र अन्य विषयमा जानकारी नभएको बताए ।
उनले सुनप्रकरणसँग जोडेर संचारमाध्यमा आफ्ना विरुद्ध गलत प्रचार भएको समेत बताउँदै सुनको बारेमा ‘स’ भन्ने समेत कुरा नभएको दावी गरे ।
वि.सं.२०८० साउन ३० मंगलवार १२:५८ मा प्रकाशित
