Sansar News
काठमाडौं । प्रतिनिधि सभाको बैठक आज बस्दै छ । बैठक दिउँसो तीन बजे बस्ने संसद सचिवालयले जनाएको छ ।
सुन प्रकरणमा उच्चस्तरीय छानविन समिति बनाउन भन्दै साउन १० गतेदेखि संसद बैठक अवरुद्ध गर्दै आएको एमालेले आइतबार प्रधानमन्त्री पुष्पकमल दाहाल ‘प्रचण्ड’ ले आव्हान गरेको राष्ट्रिय मान्यता प्राप्त दलहरुको बैठकमा पनि सोहि अडान राखेपछि अवरुद्ध संसद खुलाउने विषयमा सहमति हुन नसकेपछि सोमबार पुनः बैठक बसेको थियो ।
सोमबार राति प्रधानमन्त्री कार्यालयमा बसेको राष्ट्रिय मान्यताप्राप्त दलहरुको संयुक्त बैठकमा उच्चस्तरीय छानबिन समिति गठन गर्ने सरकार तयार भएपछि एमाले पनि संसद बैठक सञ्चालन गर्न दिन तयार भएको हो ।
वि.सं.२०८० भदौ ५ मंगलवार ०९:५१ मा प्रकाशित
