हामी सबैकाे संसारन्यूज

काठमाडौं । प्रधानमन्त्री तथा नेकपा (माओवादी केन्द्र ) का अध्यक्ष पुष्पकमल दाहाल ‘प्रचण्ड’ले खास खास टर्निग पोईन्टमा बुद्धिजीवीहरुले महत्वपूर्ण भूमिका निर्वाह गर्न आग्रह गरेका छन् ।

नेकपा (माओवादी केन्द्र) निकट बुद्धिजीवीहरूको संगठन नेपाल बुद्धिजीवी संगठनको तेस्रो पूर्ण बैठकलाई सम्बोधनका क्रममा प्रधानमन्त्री प्रचण्डले एकथरी व्यक्तिहरू सरकारको कामबाट विक्षिप्त भएको भन्दै त्यसको रक्षा र प्रचारमा बुद्धिजीवी संगठन लाग्नु पर्ने कुरामा पनि उनले जोड दिएका छन ।

विक्षिप्तहरु माओवादी पार्टी, सरकार र गठबन्धनविरुद्ध भ्रम छर्दै हिँडेका बेला त्यसलाई चिर्न बुद्धिजीवी संगठनले महत्वपूर्ण रोल खेल्नुपर्छ भन्दै उनले सातै प्रदेशमा कार्यक्रम लिएर जान थप निर्देशन दिएका थिए ।

बैठकमा बिशिष्ट अतिथि रहेका सो पार्टीका नेता दीनानाथ शर्माले ‘जनतासंग माओवादी’ बिशेष रुपान्तरण अभियानसंग जोडेर कार्यबिभाजन गर्न निर्देशन दिएका थिए भने सो संगठनका फ्याक्सन ईन्चार्ज खीमलाल देवकोटाले बुद्धिजीवी संगठनको मर्यादा बढाउन र अभिभारा पूरा गर्न संगठन गतिशिल हुनुपर्ने बताएका थिए ।

संयोजक कृष्णराज केसीको अध्यक्षता रहेको सो बैठकको संचालन सहसंयोजक नीलकण्ठ तिवारीले गरेका थिए भने संगठनका कार्यालय सदस्य लक्ष्मी प्रसाद पंडितले स्वागत गरेका थिए । संगठन श्रोतका अनुसार राधिका ओझा, कुल भुषण शर्मा, भरत गौतम, दुर्गादत्त भण्डारी, बीर बहादुर शाही, हरी क्षेत्री, प्राडा शीव कुमार राई, ठाकुर देवकोटा असिम, उपेन्द्र पौडेल,प्रदिप शाह, भरत शर्मा, शंकर खडका, निरोज पाण्डे बसन्त बागचन्द लगायतले आ–आफना क्षेत्रको रीपोर्टींग सहित धारणा राखेका थिए ।

छलफल पश्चात राजनैतिक र सांगठनिक प्रतिवेदन पास गर्ने निर्णय समेत गरेको सो बैठकले  आगामी असोजभित्र सातवटै प्रदेशमा भ्रष्टाचारबिरुद्ध सुशासन प्रवर्धनका चुनौती बिषयक बिचार गोष्ठी सम्पन्न गर्ने प्रतिबद्धता ब्यक्त गरेको बताईएको छ ।