Sansar News
काठमाडौं । संसदीय समितिको उद्योग तथा वाणिज्य र श्रम तथा उपभोक्ता हित समितिको सभापतिमा जनमत पार्टीका अव्दुल खान निर्वाचित भएका छन् ।
आइतबार उक्त समितिका लागि उम्मेदवारी मनोनयन दर्ता गराएका राष्ट्रिय स्वतन्त्र पार्टीका गणेश पराजुलीले आफ्नो उम्मेदवारी फिर्ता लिएपछि खान सर्वसम्मत निर्वाचित भएका हुन् ।
यसअघि सत्ता गठबन्धन दल र प्रतिपक्षी दल एमालेबीच ९ वटा समितिको सभापतिमा बाँडफाँट भइ सर्वसम्मत रुपमा नेतृत्व चयन भएका थिए । आज हुने भनिएको उद्योग तथा वाणिज्य र श्रम तथा उपभोक्ता हित समितिको सभापतिको निर्वाचन अगावै रास्वपाका पराजुलीले उम्मेदवारी फिर्ता लिएपछि १० वटै समितिमा सर्वसम्मत नेतृत्व चयन भएको हो ।
उक्त बाँडफाँट अनुसार नेपाली कांग्रेसले ४, नेकपा एमालेले २, माओवादी केन्द्रले १, जनमत पार्टीले १, नेकपा एकिकृत समाजवादी पार्टी र राप्रपाले १/१ समितिको सभापति पाएका छन् ।
वि.सं.२०८० भदौ ११ सोमवार १६:०४ मा प्रकाशित
