हामी सबैकाे संसारन्यूज

काठमाडौं । प्रधानमन्त्री पुष्पकमल दाहाल ‘प्रचण्ड’ ले अनुसन्धानका क्रममा प्रधानमन्त्रीको नाम आएपनि छोड्न नहुने बताएका छन् ।

मंगलबार संसदमा भएको प्रश्नोत्तरका क्रममा सांसद असिम शाहको प्रश्नको जवाफ दिँदै सरकारले सुशासनलाई प्राथमिकतामा राखेको बताउँदै राजनीतिक नेतृत्वप्रति जनतामा रहेको वितृष्णालाई चिर्न सफल भएको समेत बताए ।

उनले सरकारले दबाबरहित निष्पक्ष छानविन अगाडि बढाएकोले सुशासन सम्भव भएको बताउँदै पार्टी वा बाहिरको कसैलाई पनि बचाउने वा अप्ठेरोमा पार्ने काम नभएको बताए ।

‘दोषी कोही नछुटोस्, निर्दोष कोही नपरोस भनेर आफुले भनेको भन्दै प्रधानमन्त्रीले भने, ‘ मेरो पार्टीको त के कुरा, यदि अनुसन्धानका क्रममा प्रधानमन्त्री नै आउँछ भने छोड्न आवश्यक छैन ।’