हामी सबैकाे संसारन्यूज

बर्दघाट । बर्दघाट-पूर्वपश्चिम राजमार्गअर्न्तगत पश्चिम नवलपरासीको बर्दघाटमा बिहान  यात्रुवाहक बस दुर्घटना भएको छ । सो बस दुर्घटना हुँदा ७ जना यात्रु घाइते भएका छन् । काठमाडौँबाट नेपालगन्जतर्फ जाँदै गरेको भे १ ख ९०११ नम्बरको रात्रि बस अनियन्त्रित भएर पल्टिएको प्रहरीले जनाएको छ ।

जिल्ला प्रहरी कार्यालयका डिएसपी भोजराज पाण्डेले संसारन्यूजलाई बताए अनुसार घाइतेको चिसापानी अस्पताल बर्दघाटमा उपचार भइरहेको छ । दुर्घटना भएको सवारी चालक अहिले उनी  फरार रहेको र उनको खोज कार्य भइरहेको छ ।

पूर्वपश्चिम राजमार्ग विस्तारको क्रममा रहेको र सडकमा खाल्टाखुल्टी बढी भएकाले यो क्षेत्रमा दुर्घटनाको जोखिम दिनानुदिन बढेको छ ।