हामी सबैकाे संसारन्यूज

काठमाडौं । नेपाल दूरसञ्चार प्राधिकरणको कर्मचारी युनियनको चुनावमा शिवराज जैशीको प्यानल विजयी भएका छन् । प्रतिस्पर्धी कैलाश कार्कीलाई २० का विरुद्ध २३ मतले पराजित गर्दै यूनियन अध्यक्षमा जैशी निर्वाचित भएका हुन् ।

आधिकारिक कर्मचारी यूनियन नेपाल दूरसञ्चार प्राधिकरण स्वतन्त्र कर्मचारी यूनियनका लागि भएको चुनावमा जैशी समूह विजयी भएको हो । सबै पदमा शिवराज जैशी समुहका उम्मेदवार निर्वाचित भएका हुन् ।

यूनियनको उपाध्यक्षमा सरिता ज्ञवाली, सचिवमा राजु रिजाल, र कोषाध्यक्षमा मनोज पौडेल विजयी भएका छन् । सदस्यहरुमा सागर कुमार भट्टराई, निरु कुमारी लेखक र राधेश्याम मल्ल विजयी भएका छन् । तीनैजना जैशी समूहबाट चुनावी प्रतिस्पर्धामा थिए ।

नेपाल दूरसञ्‍चार प्राधिकरणका कर्मचारीहरुको(सेवा शर्त सम्बन्धी) विनियमावली,२०७६ अनुसार युनियन निर्वाचन भएको हो । प्राधिकरणमा सहायक निर्देशक र सो भन्दा मुनिका कर्मचारीहरु युनियनमा सहभागी हुन र मतदान गर्न सक्ने व्यवस्था छ ।