हामी सबैकाे संसारन्यूज

काठमाडौं । विशाल ग्रुपले नेपाल पुनर्बीमा कम्पनी लिमिटेडमा भएको आफ्नो शेयर बिक्री गर्ने भएको छ । विशाल ग्रुपले आफ्नो स्वामित्वमा रहेको १० लाख कित्ता सेयर बिक्री गर्न लागेको हो ।

कम्पनीले सोमबार एक सुचना जारी गर्दै नेपाल पुनर्बीमा कम्पनीको संस्थापक शेयर बिक्री गर्न लागेको हो । लिलाम बढाबढद्धारा बिक्री गर्न लागिएको उक्त शेयरको न्यूनतम मूल्य प्रतिकित्ता ३३५ रुपैयाँ तोकिएको छ ।

कम्पनीको उक्त संस्थापक शेयर खरिद गर्न इच्छुक लगानीकर्ताले आज असोज ८ गतेदेखि असोज १४ गतेसम्म निवेदन पेश गर्नु पर्नेछ । कम्पनीको शेयर विद्यमान संस्थापक वा जो कोही व्यक्ति, कम्पनी, संघ, संस्थाले खरिद गर्न सक्ने जारी सुचनामा उल्लेख छ ।

कम्पनीको शेयर निष्कासन तथा बिक्री प्रबन्धकमा एनआईसी एशिया क्यापिटल लिमिटेड रहेको छ ।