हामी सबैकाे संसारन्यूज

काठमाडौं । सर्वोच्च अदालतले बालुवाटारस्थित ललिता निवासको जग्गा हिनामिना प्रकरणमा नाम मुछिएका पूर्वप्रधानमन्त्रीद्धय डा. बाबुराम भट्टराई र माधव कुमार नेपाललाई मुद्दा नचलाउनुको कारण देखाउ आदेश जारी गरेको छ ।

वरिष्ठ अधिवक्ता बालकृष्ण न्यौपाने र अधिवक्ता रविन शर्माको रिट निवेदनमाथि सुनुवाई गर्दै न्यायाधीश विनोद शर्माको इजलासल सरकारका नाममा कारण देखाउ आदेश जारी गरेको हो ।

ललिता निवास जग्गा प्रकरण हिनामिनामा न्यौपाने र शर्माले प्रर्वप्रधानमन्त्रीद्धय नेपाल र भट्टराई तथा पूर्वमुख्यसचिव लिलामणि पौड्यालविरुद्ध मुद्दा किन नचलाइएको भन्दै न्यौपाने र शर्माले असोज १ गते रिट निवेदन दायर गरेका थिए ।

सर्वोच्चले  सरकारका नाममा कारण देखाउ आदेश जारी गर्दै १५ दिनभित्र जवाफ पेश गर्न भनेको छ ।