Sansar News
विराटनगर । नेकपा एमालेको कोशी प्रदेश अध्यक्षमा घनश्याम खतिवडा विजयी भएका छन् ।
एमालेको कोशी प्रदेश प्रथम अधिवेशनको १४ गते रातिदेखि १५ गते बिहानसम्म भएको मतदानको परिणाम अनुसार खतिवडाले ८२ मत बढी ल्याएर अध्यक्षमा निर्वाचित भएका हुन् ।
खतिवडाले ५१२ मत ल्याएर विजयी हुँदा उनका प्रतिश्प्रर्धी विनोद ढकालले ४३० मत प्राप्त गरेर पछि परेका थिए ।
त्यसैगरी यसअघि पनि उपाध्यक्ष रहेका धनकुटाका टिकाराम चेम्जोङ उपाध्यक्ष पदमा निर्विरोध निर्वाचित भएका छन् भने सचिवमा पाँचथरका राजकुमार भण्डारी ५२४ ल्याएर विजयी भएका छन् भने उनका प्रतिश्पर्धी उदयपुरका शैलेश लामाले ३८१ मत प्राप्त गरेर पछि परे ।
अधिवेशनमा सहभागी कूल ९९७ प्रतिनिधिमध्ये ९७७ जनाले मतदान गरेका थिए ।
वि.सं.२०८० असोज १६ मंगलवार ०७:०७ मा प्रकाशित
