हामी सबैकाे संसारन्यूज

काठमाडौँ, २३ जेठ – राष्ट्रिय परीक्षा बोर्ड, परीक्षा नियन्त्रण कार्यालय (कक्षा १०) ले माध्यमिक शिक्षा परीक्षा (एसइई) को पूरक (ग्रेडवृद्धि) परीक्षा सम्पन्न भएको दुई साताभित्रै नतिजा प्रकाशन गर्ने भएको छ।

आगामी असार १ देखि ९ गतेसम्म सञ्चालन हुने उक्त परीक्षाको नतिजा असार २५ भित्र सार्वजनिक गरिने परीक्षा नियन्त्रक टुकराज अधिकारीले बताए। यसअघि नियमित एसइई–२०८२ को परीक्षाफल भने एक महिनाको अवधिमा मात्र प्रकाशन गरिएको थियो।

एसइईमा एक लाख ४६ हजार ५०७ विद्यार्थी ‘ननग्रेडेड’ भएकामा पूरक परीक्षामा कति सहभागी हुने भन्ने यकिन तथ्याङ्क नआएको अधिकारीले जानकारी दिए। ‘ग्रेड सी’ वा सोभन्दा कम प्राप्त गर्ने विद्यार्थी मात्रै पूरक परीक्षामा सहभागी हुन पाउनेछन्।