Sansar News
काठमाडौं । सुदुरपश्चिम प्रदेशको बझाङस्थित तलकोट केन्द्रविन्दु भएर गएको भूकम्पले धेरै भौतिक संरचनाहरुमा क्षति पुगेको छ ।
दिउँसो २ बजेर ४० मिनेट जाँदा गएको ५.३ रेक्टरको भूकम्पका कारण पालिकाको वडा नं १, ४, ६ र ७ मा घर, विद्यालय, वडा कार्यालयहरु भत्किएको तलकोट गाउँपालिकाकी अध्यक्ष पार्वती कुँवरले जानकारी दिएकी छन् ।
‘भौगोलिक विकटता धेरै छ । भूकम्पपछि सुख्खा पहिरो गएकाले बाटो पनि अवरुद्ध छ । वडा नं १, ४, ६ र ७ माा घर, विद्यालय, वडा कार्यालयहरु भत्किएका छन् । हामी पनि बाहिरै छौं ती ठाउँमा जान सकिरहेका छैनौं । अहिलेसम्म मानविय क्षतिको विरवण आएको छैन । उनले स्कुलहरुमा परीक्षा चलिरहेकोले विद्यार्थीहरु स्कुलबाट छिट्टै बाहिरीसकेको हुनसक्ने समेत बताइन् ।
वि.सं.२०८० असोज १६ मंगलवार १६:०९ मा प्रकाशित
