हामी सबैकाे संसारन्यूज

काठमाडौं । इन्जिनियरिङ अध्ययन संस्थान प्रवेश परीक्षा बोर्डका अध्यक्षसहितका पदाधिकारीले राजीनामा बुझाएका छन् ।

बोर्डका अध्यक्ष प्रा.डा सुशील बहादुर बज्राचार्यसहित सदस्य सह–प्रा.डा.इन्द्र प्रसाद आचार्य, संजिव प्रसाद पाण्डे, उप प्रा किरण चन्द्र दाहाल र सल्लाहकार सह प्रा.डा सुरज लामिछाने (सहायक डीन परीक्षा) र प्रा.डा हिक्मतराज जोशी (प्राधापक) ले बुधबार संयुक्त राजीनामा बुझाएका हुन् ।

बोर्डका सबै पदाधिकारीको राजीनामाा कारण असोज २२ गतेदेखि हुने भनिएको प्रवेश परीक्षा नहुने भएको छ ।

बोर्डका पदाधिकारीहरुले मंगलबार डिनको कार्यालयलाई पठाएको पत्र अनुसार असोज १७, १८ र १९ गते फारम लिएर २२ गते परीक्षा संचालन गर्न नसकिने भन्दै मंगलबार राजीनामा बुझाइएको जनाइएको छ ।

इन्जिनियरिङको स्नातक तहको पूर्ण शुल्कतर्फको शुल्क ७ लाख ७५ हजार बनाउने निर्णय गरेपछि विद्यार्थीहरुले आन्दोलन गरेका थिए । आफुहरु दवावमा परेको भन्दै मंगलबार पुल्चोक क्याम्पसका ६ विभागीय प्रमुखहरुले विभाग सञ्चालन गर्ने जिम्मा स्ववियुलाई हस्तान्तरण गरेको भन्दै वक्तव्य जारी गरेका थिए ।