Sansar News
काठमाडौं । साउदी अरब दमामका लागि उड्दाउड्दै प्राविधिक समस्या देखिएपछि बीचबाटै काठमाडौँ फर्काउनुपरेको हवाईजहाजका दुई प्रबन्धकलाई कारबाही गरिएको छ ।
त्रिभुवन विमानस्थलका महाप्रबन्धक प्रतापबाबु तिवारीका अनुसार मंगलबार राति १२ बजेर १४ मिनेटमा काठमाडौँबाट दमामका लागि उडेको आर ए ४१२ जहाज ‘टिकास उपकरण’मा समस्या देखिएपछि बुधबार बिहान ४ बजेर ५१ मिनेटमा पुनः काठमाडौँमै अवतरण गराइएको थियो ।
सो जहाज मर्मतमा संलग्न डिउटी मेन्टेनेन्स म्यानेजर र कन्टिनुइङ एयर्थिनेस (सीए) म्यानेजरलाई नेपाल नागरिक उड्डयन प्राधिकरणले अर्काे निर्णय नहुन्जेलसम्मका लागि बिहीरबादेखि जिम्मेवारीबाट हटाएको हो ।
वि.सं.२०८० असोज १९ शुक्रवार १०:०७ मा प्रकाशित
