हामी सबैकाे संसारन्यूज

१४ बैशाख, काभ्रे । काभ्रेको कोशीपारी चौरी देउराली गाउँपालिकाको उपाध्यक्षमा समाजसेवी पवित्रा लामाको उम्मेदवारी पक्का भएको छ ।
कलाकार तथा समाजसेवी लामालाई राष्ट्रिय प्रजातन्त्रपार्टी पार्टीका तर्फबाट काभ्रे कोसिपारी चौरी देउराली गाउँपालिकाको उपाध्यक्षका लागि पार्टीले नाम प्रस्ताव गरेको बताएकी छन् ।
पवित्रा भन्छिन,‘म अब राजनीतिमा लागेर समाजसेवा गर्न चहान्छु अनि देशको सेवा गर्छु । समाज र देशको सेवा गर्ने पार्टी राप्रपा नै हो । राष्ट्रियता जोगाउन राप्रपा पार्टीले नै भोलि देशको बिकास गर्छ ।’
पवित्रा समाज सेवामा सक्रिय छन् । उनी सडकमा बेवारीसे बनेकाहरुको उद्धार तथा उपचारमा निस्वार्थ भावले खट्ने गरेकी छन् । बेबारिसे बेबस्थापन र पुनर्जिबन केन्द्र ‘एक्शन फर सोसल चेञ्ज’ मार्फत समाजसेवामा लागेकी लामा कुनै पनि क्षेत्रको नेतृत्व लिन सक्षम रहेको संस्थाका अध्यक्ष विनयजंग बस्नेतले बताए ।
राजनीतिमा लाग्नुको कारण बताउँदै लामा भन्छिन्, ‘कोसिपारी हरेक क्षेत्रमा समस्याहरु छन् । विशेषत बाटोको धेरै समस्या छ । बाटोघाटोका कारण मानिसहरुलाई आउँजाउँमा मात्र नभएर धेरै कुरामा पीडा खेप्नु परेको छ । मैले त्यसलाई मध्यनजर गर्दै चौरी देउराली गाउँपालिका समग्र विकास र त्यहाँका जनताको समृद्धिका लागि केही गर्न सक्छु भन्ने अठोट बोकेर उम्मेदवारी दिन लागेकी हुँ ।’ पवित्रा थप्छिन्, ‘जनताले विस्वास गरेर मलाइ चुन्नु भयो भने म यो कुरा पनि विश्वास दिलाउन चाहन्छु कि चौरि देवि गाँउपालिका नेपालकै उत्कृष्ट विकशित नमुना गाँउपालिका बनाउनका लागि महत्वपूर्ण भूमिका खेल्नेछु । त्यसका लागि सबैको साथ र सहयोगको अपेक्षा गरेकि छु आशा छ, जनताले सहि व्यक्ति छान्नु हुनेछ ।’