back

तीन वर्षदेखि प्राविधिक नहुँदा पूर्वाधारसम्बन्धी काम प्रभावित

वि.सं.२०८० मंसिर १७ आइतवार

246 

shares
Global IME AD
NMB Bank Limited Long Ad Banner

पर्वत । भौतिक विकास निर्माण तथा पूर्वाधारसम्बन्धी काम गर्ने प्रमुख कार्यालयको रुपमा रहेको पूर्वाधार विकास कार्यालय पर्वत लामो समयदेखि प्राविधिक विहीन छ । दरबन्दी अनुसारका प्राविधिक नहुँदा सडक, मोटरेबल पुल, झोलुङ्गे पुल, ग्रामीण सडक स्तरोन्नति तथा खेलमैदान निर्माणलगायतका चालु आर्थिक वर्षका एक सय ७२ योजना प्रभावित बनेका छन् । पूर्वाधार विकास कार्यालय विगत तीन वर्षदेखि प्राविधिकविहीन हो ।

पाँचौँ, छैटौँ, सातौँ, आठौँ तहका प्राविधिक गरी १० जनाको दरबन्दी रहेको कार्यालयमा पाँचाैँ र छैटौँ सहायक प्राविधिक दुई जनामात्र कार्यालयमा कार्यरत छन् । तीन जना साताैँ र आठौँ तहका प्राविधिककको दरबन्दी रहेको कार्यालयमा अहिले एकजना पनि कार्यरत छैनन् । सातौंँ-आठौँं तहको दरबन्दी भए पनि कार्यालयमा अहिले तीवट पदविहीन बनेको कार्यालय प्रमुख गरुदत्त अधिकारीले जानकारी दिए ।

जिल्लाान ग्राभेल सडक, सडक पुल, माटे सडक, झोलुङ्गे पुललगायत निर्माणको गतिविधिको अगुवाइ गर्ने कार्यालयमा इञ्जिनियरको दरबन्दी तीन जनाको हो तर एक जना पनि छैनन् उनले भने, “सब-इञ्जिनियर अधिकृतस्तर पाँचौंँ-छैटौँको सात वटा दरबन्दी छ तर अहिले कार्यरत सब-इञ्जिनियरको सङ्ख्या जम्मा दुई जना मात्रै छ ।”

दरबन्दी अनुसारको कर्मचारी नभएपछि आफूहरुलाई कामको अत्यन्तै चाप रहेको अधिकारीको भनाइ छ । “सीमित जनशक्तिका कारण सबै योजनाको विस्तृत लागत तयार गर्ने, योजनाको डिपिआर निरीक्षण गर्ने, योजनाको मूल्याङ्कनलगायत कामले अत्यधिक भार परेको बताउँदै कतिपय योजनामा प्राविधिककै कारण ढिलाइ हुने गरेको उनले बताए ।

योजनाको काम प्रभावित हुन नदिन दैनिक ज्यालादारीमा प्रतिव्यक्ति रु एक हजार दुई सयदेखि रु एक हजार पाँच सयसम्म दिनेगरी प्राविधिक सुपरभाइजरको रुपमा तीन जना सव–इञ्जिनियरलाई काममा लगाइएको कार्यालय प्रमुख अधिकारीले बताए । भौतिक पूर्वाधार विकास तथा यातायात व्यवस्था कार्यालय गण्डकी प्रदेशले करारमा कर्मचारी राख्न नपाइने व्यवस्था गरेपछि ज्यालादारीमा राख्नुपरेको हो ।

पूर्वाधार विकास कार्यालय पर्वतमा इञ्जिनियर, लेखा, प्रशासन, हलुका सवारी चालकलगायत सबै गरेर जम्मा १६ जनाको दरबन्दी भए पनि अहिले कार्यरत कर्मचारीको सङ्ख्या कार्यालय सहयोगीसहित जम्मा आठजना मात्रै छ । उक्त कार्यालयमार्फत अहिले पर्वत जिल्लामा नौवटा बहुवर्षीय सडक योजना सञ्चालनमा छन् भने चार वटा मोटरेवल पुल निर्माणाधिन छन् ।

चार वटा मोटरेवल पुलमध्ये लिदी खोला सडक पुल राम्जा र छत्तीसेघाट सडक पुल पैँयु गरी दुई वटा पुल निर्माणाधीन छन् भने अन्य दुई वटा सडक पुल ठेक्का प्रक्रियामा गइसकेको कार्यालयले जनाएको छ । पूर्वाधार विकास कार्यालय अन्तर्गत यस वर्ष साना र ठुला गरी एक सय ७२ वटा भौतिक विकास निर्माणका योजना सञ्चालनमा छन् । यसवर्ष पर्वतको भौतिक पूर्वाधार विकासमा रु एक अर्ब पाँच करोड बजेट विनियोजन गरिएको छ ।

प्रदेश सरकारअन्तर्गत पूर्वाधार विकास कार्यालय स्थापना भएपछि पर्वतमा अहिलेसम्म ८१ दशमलव ३७ किमी पक्की सडक निर्माण भएको छ भने ३४ दशमलव सात किमी सडक ग्राभेल गरिएको कार्यालयले जनाएको छ । दरबन्दीअनुसारको जनशक्ति अभावमा तोकिएअनुसारको काम गर्न समस्या भएको कार्यालयले जनाएको छ ।
रासस/फाइल फोटो

वि.सं.२०८० मंसिर १७ आइतवार १४:२९ मा प्रकाशित

उच्च अङ्कले घट्यो नेप्से

उच्च अङ्कले घट्यो नेप्से

काठमाडौँ । धितोपत्र बजारमा शेयर कारोबार मापक नेप्से परिसूचक आज...

काठमाडौँमा वर्षा, विदेशी विमान अवतरण हुन सकेनन्

काठमाडौँमा वर्षा, विदेशी विमान अवतरण हुन सकेनन्

काठमाडौँ । काठमाडौँलगायत देशका विभिन्न स्थानमा हल्का वर्षा भएको छ...

फागुन १३ गतेदेखि नारायणगढ-मुग्लिन सडक बन्द नगरिने

फागुन १३ गतेदेखि नारायणगढ-मुग्लिन सडक बन्द नगरिने

चितवन । दैनिक चार घण्टा सवारी रोकेर पुल निर्माणका लागि...

घरेलु मदिरालाई वैध बनाउदै गण्डकी प्रदेश

घरेलु मदिरालाई वैध बनाउदै गण्डकी प्रदेश

गण्डकी । लुकीछिपी उत्पादन र बिक्री वितरण भइरहेको घरेलु मदिरालाई...

कांग्रेस महासमिति बैठक : एक हजार ६३ जनाको हस्ताक्षसहित हिन्दू राष्ट्रसम्बन्धी प्रस्ताव पेश

कांग्रेस महासमिति बैठक : एक हजार ६३ जनाको हस्ताक्षसहित हिन्दू राष्ट्रसम्बन्धी प्रस्ताव पेश

ललितपुर । नेपाली कांग्रेसको जारी महासमिति बैठकमा धार्मिक स्वतन्त्रतासहितको वैदिक...

त्रिविको उपकुलपति बने प्राडा केशरजङ्ग बराल

त्रिविको उपकुलपति बने प्राडा केशरजङ्ग बराल

काठमाडौँ । त्रिभुवन विश्वविद्यालयको उपकुलपतिमा प्रा डा केशरजङ्ग बराल नियुक्त...