हामी सबैकाे संसारन्यूज

काठमाडौं । जल तथा मौमम विज्ञान विभाग, मौसम पूर्वानुमान महाशाखाले चिसोबाट बच्न भन्दै २४ घण्टे चेतावनी दिएको छ ।
हाल नेपालमा पश्चिमी वायुको आंशिक प्रभाव रहेको र देशभरी चिसो बढेको तथा तराईमा हुस्सु र कुहिरोका कारण जनजीवन प्रभावित भएको भन्दै आवस्यक सर्तकता अपनाउन अनुरोध गरिएको हो ।

महाशाखाले देशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको छ ।
महाशाखाले तराईका अधिकांश स्थानहरूमा हुस्सु/कुहिरो लाग्ने हुँदा दैनिक जनजीवन, स्वास्थ्य, यातायात तथा हवाई यातायातमा प्रभाव पर्न सक्ने भएकोले त्यसबाट हुन सक्ने असरका साथै चिसोबाट समेत बच्न आवश्यक उपायहरू तथा सतर्कता अपनाउन अनुरोध गरेको छ ।

आज राति कोशी, बागमती र गण्डकी प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको महाशाखाले जनाएको छ ।

आज काठमाडौंको न्यूनतम तापक्रम ३.४ र अधिकतम तापक्रम १७.४ डिग्री मापन गरिएको छ भने जुम्लाको न्युनतम तापक्रम माइनस २.५ र अधिकतम तापक्रम १५.४ मापन गरिएको छ ।