Sansar News
काठमाडौं । नेपाल वायु सेवा निगमलाई व्यवस्थापन करारमा लैजानका लागि दीपेन्द्रबहादुर क्षेत्रीको नेतृत्वमा समिति गठन गरिएको छ ।
बीहीबार बसेको मन्त्रिपरिषद् बैठकले योजना आयोगका पूर्वउपाध्यक्ष समेत रहेका क्षेत्रीको संयोजकत्वमा समिति गठन गरेको हो ।
संस्कृति पर्यटन तथा नागरिक उड्डयन मन्त्रालयका अनुसार समितिको व्यवस्थापन विज्ञका रुपमा टीकाराम राई रहेका छन् भने सदस्यहरुमा पर्यटन विभागका महानिर्देशक चक्र बहादुर बुढा, नेवानी सञ्चालक समिति सदस्य रहने अर्थ मन्त्रालयका सहसचिव र निगमका अर्थ विभाग प्रमुख रहेका छन् ।
उक्त समितिले ४५ दिन भित्रमा व्यवस्थापन करारमा दिने मोडालिटी तय गनुपर्ने बताइएको छ ।
वि.सं.२०८० माघ १८ बिहीवार १६:०५ मा प्रकाशित
