हामी सबैकाे संसारन्यूज

काठमाडौं । राजधानीमा आगामी जेठ ७ र ८ गते पर्यटन सम्मेलन तथा फोटोग्राफी प्रतियोगिताको आयोजना गरिने भएको छ । अठोट नेपालले सोमबार राजधानीमा पत्रकार संम्मेलन गरि पे्रजिटिङ नेपालले पर्यटन सम्मेलन तथा राष्ट्रिय फोटोग्राफी प्रतियोगिता २०२४ घोषणा गरेको हो ।

अठोट नेपालले बिगत लामो समयदेखि नेपालको पर्यटन क्षेत्रको प्रर्बद्धनको निम्ति काम गर्दै आएको छ । बिशेष गरि पर्यटन क्षेत्रमा जोश जागर भएका युवाद्धारा गठित उक्त संस्थाले गत बर्ष पनि प्रेजिटिङ नेपाल फोटोग्राफी प्रतियोगिता २०२२ कार्यक्रम गरेको थियो । कोभिड महामारीले थलिएको पर्यटन क्षेत्र कोभिड न्यूनिकरणसंगै पर्यटन क्षेत्र चलायमान हुन थालेपछि अठोट नेपालले पनि पर्यटन सम्मेलन तथा राष्ट्रिय फोटोग्राफि प्रतियोगिता २०२४ को घोषणा गरेको हो ।

अठोट नेपालद्धारा आयोजित पत्रकार सम्मेलनमा बरिष्ठ पर्यटन ब्यावसायी तथा सदभावनादूत लुम्बिनी कोषका बिक्रम पाण्डेले नेपालको पर्यटन प्रर्बद्धनको लागि नयाँपन दिनुपर्ने बताए ।

अर्गानिक खाना पनि पर्यटकको आकर्षणको माध्यम रहेको उनको भनाई थियो । पाण्डेका अनुसार कर्णाली तथा सुदुरपश्चिम क्षेत्र पर्यटकको लागि आकर्षण क्षेत्र रहेको र उक्त क्षेत्रमा पनि पर्यटक लैजान सरकारदेखि निजी संस्थाले समेत पहल गर्नुपर्ने बेला आएको बताए ।

कुनाकन्दरामा लुकेका संस्कृति, भेषभूषा, रहनसहन, बनसम्पदा, ताल तलैया तथा बन्यजन्तु लगायतलाई उजागर गरि पर्यटक भित्रयाउन सके स्थानीयको जीवनस्तरमा परिर्वतन आउने लुम्बिनी कोषका सद्भावना दुत पाण्डेले पत्रकार सम्मेलनमा जानकारी दिए ।

उनका अनुसार हुम्लाको लिमि लाप्चा क्षेत्रमा मानसरोवर दर्शनले गर्दा हुम्लामा पर्यटनमा चलायमान हुदै गएको पाइएको छ । अठोट नेपालका अध्यक्ष शाहीले पर्यटन सम्मेलन तथा राष्ट्रिय फोटोग्राफी प्रतियोगिता गर्दा पर्यटन क्षेत्रमा टेवा पुग्ने उनको भनाई छ ।

शहरी क्षेत्रमा पर्यटनलाई सिमित नराखेर ग्रामिण क्षेत्रलाई पनि पर्यटन प्रर्बद्धनमा जोड दिनुपर्ने समय आएको नेपाल पर्यटन क्षेत्र प्रर्बद्धक तथा सेभ द टाइगरका अभियन्ता अमरबहादुर शाहीले पत्रकार सम्मेलनमा बताए ।
प्रेजिटिङ नेपालले पर्यटन सम्मेलन तथा राष्ट्रिय फोटोग्राफी प्रतियोगिता गर्न लाग्दा सारै खुशी लागेको उनको भनाई छ । फोटोले पनि पर्यटकलाई घुम्न हौसला प्रदान गर्ने भएकोले नेपालमा फोटो प्रतियोगित आबश्यक देखिएको शाहीको भनाई छ ।

अठोट नेपालले गर्न लागेको प्रेजिटिङ नेपाल राष्ट्रिय फोटो प्रतियोगितामा बाताबरण, सांस्कृति जीवनशैली जिबजन्तु मान्छे लगायत बिधामा फोटो समाबेश गरिने बरिष्ठ फोटोग्राफर तथा मुल्याङ्कन समितिका भरतबन्धु थालाले जानकारी गराए । फोटो प्रतियोगिताको फोटो खिच्ने उत्साह भएका ब्यक्तिलाई हौसला प्रदान गर्ने उहाँको भनाई छ ।

नेपालको पर्यटन क्षेत्रलाई माथि उकास्न हामीले बिगत बर्ष देखि राष्ट्रिय तथा प्रदेशस्तरीय फोटो प्रतियोगिता गर्दै आएको र यो बर्ष पनि पर्यटन सम्मेलन तथा फोटोग्राफी प्रतियोगता भब्यरुपमा गर्न लागेको अठोट नेपालका अध्यक्ष तथा प्रेजिटिङ नेपालका संयोजक देबेन्द्रबहादुर शाहीले पत्रकारलाई जानकारी गराए ।

फोटोग्राफी प्रतियोगितामा उत्कृष्ट बिजेताले ५०÷५० हजार नगदसहित प्रमाणपत्र प्रदान गरिने उनको भनाई छ । संयोजक शाहीले भने, ‘यो बर्ष फोटो समिटको लागि ५ सय शुल्क तोकेका छौ । राम्रो फोटो आओस भन्ने हेतुले शुल्क तोकिएको हो ।’