Sansar News
२६ वैशाख, तम्घास (गुल्मी) । चट्याङ लागेर मालिका गाउँपालिका–४ अर्खावाङ निवासी ८० वर्षीय डोरबहादुर खत्रीको सोमबार मृत्यु भएको छ ।
अपराह्न आफ्नो घरमा बसिरहेका अवस्थामा परेको चट्याङका कारण खत्रीकोे घटनास्थलमै मृत्यु भएकोे जिल्ला प्रहरी कार्यालयका प्रहरी नायब उपरीक्षक महेन्द्र नेपालले बताउनुभयो ।
चट्याङ लागेर खत्रीसँगै घरमा बसेका छिमेकी १८ वर्षीय लोकेन्द्र केसी, १५ वर्षीय टीकाबहादुर केसी र १० वर्षीया शारदा केसी घाइते भएकामा अर्खावाङस्थित स्थानीय स्वास्थ्य संस्थामा उपचार भइरहेको छ ।
वि.सं.२०७४ वैशाख २६ मंगलवार ०३:१३ मा प्रकाशित
