हामी सबैकाे संसारन्यूज

काठमाडौं । राष्ट्रिय परिक्षा बोर्डले सन्चालन गरेको कक्षा १२ को ‘विजनेस म्याथ’को प्रस्न–पत्र कोर्ष बाहिरबाट सोधिएको पाईएको छ ।
गत शुक्रबार सन्चालित कक्षा १२ को सो विषयको प्रस्न–पत्र कोर्षभन्दा बाहिरबाट सोधिएको सो विषयको कोर्ष डिजाइनमा संलग्न प्रध्यापकहरुले आरोप लगाएका छन् ।

कोर्ष डिजाइनमा संलग्न प्राध्यापकहरुका अनुसार सो विषयको प्रस्न पत्रमा सोधिएका प्रश्न नं. ५, १३(ए), १४, र २२(बी) कोर्षभन्दा बाहिरबाट सोधिएको आरोप लगाएका हुन् । सोधिएका प्रस्नहरु १० नम्बरका छन्।

‘म लगायतका प्राध्यापकहरुले अहिले पढाई भैरहेको कक्षा १२ को बिजनेस म्याथको कोर्ष डिजाइन गरेका हौ,‘ प्रध्यापक डा.एके चौधरीले भने, ‘परिक्षा नियन्त्रण कार्यालयले कोर्ष बाहिरबाट प्रस्न सोधेर गम्भिर गल्ति गरेको छ ।’

कोर्ष बाहिरबाट प्रस्न पत्र सोधिएको विषयमा परिक्षा नियन्त्रण कार्यालयमा जानकारी गराउँदा गैर जिम्मेवार बनेको आरोप चौधरीले लगाए ।
वैशाख १६ गतेबाट सन्चालन भएको कक्षा १२ को परिक्षा बुधबार सकिएको छ ।

मिथ्या आरोप : परिक्षा नियन्त्रक

कोर्ष बाहिरबाट प्रस्न पत्र तयार गरिएको भन्ने विषय मिथ्या आरोप भएको परिक्षा नियन्त्रक कृष्ण प्रसाद शर्माले बताएका छन् ।
क्रक्षा १२ को बिजनेस म्याथमा सोधिएका कुनै पनि प्रस्नहरु कोर्ष भन्दा बाहिरबाट नसोधिएको उनले प्रस्ट पारे ।

‘म आफैंले प्रस्न पत्र बनाउने त होइन,’ शर्माले भने, ‘तर प्रस्न उठेपछि सम्बन्धित विषय विज्ञहरुको टिम बनाएर छलफल गर्दा कोर्ष बाहिरबाट प्रस्न नसोधिएको पाईयो ।’

साथीहरुले लेखेका किताहरुबाट प्रस्न पत्र नबन्दा साथीहरुलाई औडाहा भएर यस्तो कार्य गरेको हुनसक्ने शर्माले आरोप लगाए । शर्माका अनुसार कोर्ष बाहिरबाट प्रस्न–पत्र निर्माण गरिएको भनेर अहिलेसम्म कसैले पनि लिखित निवेदन दर्ता नै गरेको छैन ।

उनले आरोप लगाउने साथीहरु अहिले कक्षा १२ को कुनै कोर्ष डिजाइनमा सहभागि नभएको पनि संसार न्यूजलाई बताए ।