Sansar News
काठमाडौं । प्रधानमन्त्री पुष्पकमल दाहाल ‘प्रचण्ड’ले नेपाल आइडल विजेता करण परियारलाई बधाई दिएका छन् । प्रधानमन्त्री ‘प्रचण्ड’ले बुधबार बिहान प्रधानमन्त्री निवास बालुवाटार बोलाएर विजेता करणलाई बधाई दिएका हुन् ।
उक्त अवसरमा प्रधानमन्त्री ‘प्रचण्ड’ले विजेता परियारलाई गितार उपहार दिएका छन् । बधाई ज्ञापन गर्दै प्रधानमन्त्रीले खेल र सङ्गीतका खास खास इभेन्ट आफूले हेर्ने गरेको बताउँदै युवा पुस्ताका हरेक सुखदुखमा आफू साथमै रहेको बताए ।
सो अवसरमा प्रधानमन्त्रीले बधाइ दिँदै विजेता परियारको साङ्गीतिक क्षेत्रमा निकै राम्रो सम्भावना र भविष्य भएकाले निरन्तर साधनामार्फत् देशकै प्रतिष्ठा बढाउन मेहेनत गर्ने विश्वास व्यक्त गरे ।
वि.सं.२०८१ असार १२ बुधवार ०८:३५ मा प्रकाशित
