हामी सबैकाे संसारन्यूज

काठमाडौं । भारतीय नायिका अनुष्का सेट्टीलाई अचम्मको रोग लागेको छ ।

बाहुबली फिल्ममा शसक्त भूमिका निभाएर सबैको मन जितेकी अनुष्का केही समयदेखि हाँसो रोक्न नसक्ने समस्याले ग्रसित भएकी छन् ।
भारतीय समाचार ऐजेन्सीका अनुसार उनी कुनै कुरामा एकपटक हाँसेपछि १५ देखि २० मिनेटसम्म हाँसो रोक्न नसक्ने विमारले ग्रसित रहेकी छन् ।

अनुष्काले नै एक अन्तरवार्ताका क्रममा यसबारेमा बताउँदै मेडिकल भाषामा आफुलाई स्यूडोबुलवार इफेक्ट भएको बताइन ।

यस्तो समस्या देखिएपछि कैयौपटक त फिल्मको सुटिङ नै रोक्नु परेको बताउँदै उनले भनिन् ‘मलाई लाफिङ डिसिज भएको छ । तपाईलाई लाग्ला हाँस्नु पनि केही समस्या हो र ? तर मेरा लागि यो समस्या भएको छ । यदि फिल्ममा कमेडि सिन आउँदा हाँस्न सुरु गरे भने जमिनमा पल्टिने गरी हाँसो आउँछ । यस्तो बेला सुटिङ समेत रोक्नु परेको छ ।’

यसलाई मेडिकल भाषामा न्यूरोलोजिकल डिसअर्डर भएको मानिन्छ । जसका कारण त्यसबाट प्रभावित व्यक्ति आफ्नो हाँसो र रुवाई रोक्न सक्तैन । साथै धेरैपटक भावुकतामाथि कन्ट्रोल समेत गर्न सक्तैनन् ।

यस्तो लक्षण इमोशनल र ब्रेन डिस्फंक्सनसँग जोडिएको हुन्छ । यसकारण यसलाई न्युरोसाइकेट्रिक बिमार पनि भनिन्छ ।

चर्चित गायिका अलका याग्निक एक्कासी कान नसुन्ने भएपछि…