हामी सबैकाे संसारन्यूज

काठमाडौँ । नेकपा एमालेले सरकारलाई दिएको समर्थन फिर्ता लिने तयारी गरेको छ । मङ्गलवार साँझ बसेको एमाले सचिवालय बैठकले बुधवारसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई आग्रह गरेको थियो । तर प्रधानमन्त्री प्रचण्डले राजीनामा नदिनुभएपछि एमालेले समर्थन फिर्ता लिने तयारी थालेको हो ।

एमाले प्रमुख सचेतक महेश बर्तौलाले संसद्को दुई ठुला दल मिलेर जाने निर्णय भएपछि प्रधानमन्त्रीले राजीनामा गरेर सहयोग गर्नु राम्रो भएको बताए । उनले भने, ‘प्रचण्डको अबे अङ्क पुग्दैन, सरकार चल्दैन, ‘उहाँ प्रक्रियामा जानुहुन्छ भने हामी आजै समर्थन फिर्ता लिन्छौँ । हाम्रा मन्त्रीहरू फर्कनु हुन्छ ।’

बर्तौलाले दिउँसो ३ बजेपछि समर्थन फिर्ता र मन्त्रीहरूको राजीनामाबारे निर्णय हुने बताए । गत सोमबार नेपाली काँग्रेस र एमालेबिच नयाँ सरकार बनाउने सहमति जुटेको थियो ।