Sansar News
काठमाडौँ । अमेरिकी पूर्वराष्ट्रपति डोनाल्ड ट्रम्पमाथि गोली प्रहार भएको छ । पेन्सलभेनिया राज्यमा स्टेजमा बोल्ने क्रममा उनीमाथि गोली प्रहार भएकोे हो ।
अन्तराष्ट्रिय समाचार संस्था सीएनएनका अनुसार गोली लागेपछि लडेका ट्रम्पलाई गुप्तचरहरूले उठाएका थिए । उनको अनुहारमा अनुहारमा रगत देखिएको थियो ।
अमेरिकी समय अनुसार शनिबार राति पेन्सिलभेनियाको बटलरमा पूर्व राष्ट्रपति ट्रम्पको र्यालीमा गोली प्रहार भएको हो । अधिकारीहरुका अनुसार गोलीबारीलाई हत्याको प्रयासको रूपमा अनुसन्धान भइरहेको छ ।
राष्ट्रपति जो बाइडेनले ट्रम्पमाथि भएको आक्रमणको निन्दा गरेका छन् । राष्ट्रपति बाइडनले सबै अमेरिकीलाई एकजुट हुँदै यस्ता खालका आक्रमणको निन्दा गर्न आह्वान गरेका छन् ।
फाेटाे : सीएनएन
वि.सं.२०८१ असार ३० आइतवार ०८:०४ मा प्रकाशित
