हामी सबैकाे संसारन्यूज

काठमाडौँ । प्रधानमन्त्री पुष्पकमल दाहाल प्रचण्डले तीन वटा सुरक्षा अङ्गका प्रमुखलाई सिमलताल बस दुर्घटनापछिको खोजी कार्यलाई तीव्र बनाउन निर्देशन दिएका छन् ।

आफ्नो निजी निवास खुमलटारमा भेटेर प्रचण्डले पछिल्लो अवस्थाको जानकारी लिँदै सबै उपायहरूको अवलम्बन गरी खोजी कार्यलाई अझै तीव्रता दिन निर्देशन सुरक्षा निकायलाई निर्देशन दिएका हुन् ।

प्रधानमन्त्रीले सिमलताल लगायत देशभरका दुर्घटनामा जोखिम मोलेर खोज, राहत र उद्धारमा संलग्न सुरक्षाकर्मीलाई धन्यवाद व्यक्त गरेका छन् ।

उनले सिमलताल लगायत देशका विभिन्न भागमा बाढी, पहिरो, डुबान लगायतका प्राकृतिक विपत्तिको कारण भएको जनधनको क्षतिप्रति दुख व्यक्त गर्दै देशको राजनैतिक परिस्थिति जे जस्तो भएता पनि देशको स्थायी सरकारको रूपमा रहेका कर्मचारीतन्त्र र सुरक्षा निकायले अविचलित र अभिछिन्न रुपमा जनताको सेवामा लागि पर्न आग्रह गरेका छन् ।