काठमाडौँ । सौर्य एयरलाइन्सको विमान दुर्घटनामा घाइते पाइलट मनिषरत्न शाक्यको स्वास्थ्य अवस्था खतरामुक्त छ । उनी बोल्न थालेका छन् भने झोलिलो पदार्थ खान सक्ने भएका छन् ।
बुधबार त्रिभुवन अन्तर्राष्ट्रिय विमानस्थलस्थित सौर्य एयरलाइन्सको ९–एनए एमई विमान दुर्घटनामा परेका शाक्यको काठमाडौँ मेडिकल कलेजमा उपचार भइरहेको छ ।
शाक्यको शरीरमा जलन नभएपनि भित्री चोटहरू देखिएका छन् । उनको ढाडको हड्डी दुई वटा ठाउँमा भाँचिएको अस्पतालका एक अधिकारीले बतााएका छन् ।
ती अधिकारीका अनुसार शाक्यको शरीरमा थप जटिलता पहिचान गर्नका लागि एमआरआई गर्ने तयारी छ । शाक्यलाई अस्पतालको न्युरो सर्जरी आइसियुमा राखिएको छ ।
वि.सं.२०८१ साउन १० बिहीवार १२:१६ मा प्रकाशित
