Sansar News
काठमाडौं । ग्लोबल आइएमई बैंकको प्रमुख कार्यकारी अधिकृत(सीईओ)मा सुरेन्द्रराज रेग्मी नियुक्त भएका छन् ।
कम्पनीको गत बिहीबार बसेको सञ्चालक समितिको बैठकले रेग्मीलाई सीईओमा नियुक्त गरेको हो ।
बैंकका अनुसार नवनियुक्त सीईओ रेग्मीले भदौ १ गतेबाट लागू हुने उक्त पदका लागि कार्यभार सम्हालेछन् । बैंकिङ क्षेत्रमा ३५ वर्ष लामो अनुभव भएका उनले विभिन्न बैंक तथा वित्तीय संस्थामा काम गरिसकेका छन् ।
यसअघि रेग्मीले व्यापार नीति, औद्योगिक ऋण, ऋण रिकभरी, शाखा सञ्चालन, ऋण जोखिम तथा प्रशासन जस्ता विभिन्न बैंकिङ विभागमा कार्यानुभव हासिल गरिसकेका छन् । उनी कम्पनीको नायव प्रमुख कार्यकारी अधिकृत पदमा कार्यरत थिए । उनले बेलायतको युनिभर्सिटि अफ वेल्सबाट सन् २००१ मा एमबीए गरेका छन् । त्रिभुवन विश्वविद्यालयबाट भने अर्थशास्त्रमा स्नातकोत्तर गरेका छन् ।
हाल कम्पनीको सीईओमा रत्नराज बज्राचार्य छन् ।
वि.सं.२०८१ साउन १० बिहीवार १३:३१ मा प्रकाशित
