Sansar News
बुटवल । पश्चिम नवलपरासीमा धारिलो हतियार प्रहारबाट एक जना युवकको हत्या भएको छ । नवलपरासीको पाल्हिनन्दन गाउँपालिका-५ हर्दीमा स्थानीय २० वर्षका सूर्यकुमार बढईको हत्या भएको प्रहरीले जनाएको छ ।
आफ्नै घरमा सुतिरहेको अवस्थामा घाँटीमा धारिलो हतियार प्रयोग गरी हत्या भएको जिल्ला प्रहरी कार्यालय नवलपरासीका प्रहरी नायव उपरीक्षक एवं सूचना अधिकारी रेसम बोहराले जानकारी दिए । सूर्यकुमार उमेश बढईको छोरा हुन् ।
सूर्यकुमारको शव पृथ्वी चन्द्र अस्पताल परासीमा पठाएर थप अनुसन्धान भइरहेको प्रहरीले जनाएको छ । हत्यामा संलग्नको खोजी कार्य भइरहेको छ ।
वि.सं.२०८१ साउन १४ सोमवार ११:२३ मा प्रकाशित
