हामी सबैकाे संसारन्यूज

टेक्सस । अमेरिकाको टेक्सस राज्यमा एक जना नेपालीको हत्या भएको छ । रुकुम बाफीकोटको ३० वर्षका दीपक ओलीको गोली हानेर हत्या भएको हो ।

वली टेक्ससको वाको सहर नजिकै हाइवे ३५ मा रहेको एक ग्यास स्टेसनमा काम गर्थे । घटना सोमबार बिहान ५ः२० बजेतिरको भएको बताइएको छ । घटनाको समयमा बन्दुक बोकेर दुई पुरुष ग्यास स्टेसनमा आएको सीसीटीभी फुटेजले देखाएको छ । त्यतिबेला वली काउन्टरमा उभिरहेका थिए ।

उनी भाग्न खोजेपनि गोलीबाट भने बच्न नसकेको प्रहरीले बताएका छन् । वलीको परिवारलाई यो घटनाबारे जानकारी गराइएको प्रहरीले बताएका छन् । वलीकी एक श्रीमती र पाँच वर्षकी छोरी रहेको बताइएको छ । यस घटनाबारे छानबिन गरिरहेको प्रहरीले बताएको छ ।