हामी सबैकाे संसारन्यूज

काठमाडौं । नेकपा एमालेका महासचिव शंकर पोखरेलले लोकतन्त्र बलियो बनाउने हो भने नमिल्दो कानुन संशोधन हुनु पर्ने बताएका छन् । महासचिव पोखरेलले गृह जिल्ला दाङमा आज बिहान आयोजित पत्रकार भेटघाट कार्यक्रममा यस्तो बताएका हुन् ।

महासचिव पोखरेलले तीन प्रतिशत भोट पाउँदा राष्ट्रिय पार्टी हुने तर १० प्रतिशत भोट ल्याउन नसक्ने उम्मेदवारको जमानत जफत हुने निर्वाचन कानुन नमिल्दो भएको बताएका छन् । उनले भने,‘डेढ प्रतिशत भोट ल्यायो भने प्रादेशिक पार्टी हुन्छ, तीन प्रतिशत भोट ल्यायो भने राष्ट्रिय पार्टी भइहाल्छ । तर हाम्रै निर्वाचन कानुनले के भन्छ भने व्यक्तिका हकमा १० प्रतिशत भोट ल्याएन भने जमानत जफत हुन्छ ।’

उनले यस्ता नमिल्दा विषय मिलाउन र लोकतन्त्र बलियो बनाउन कांग्रेस-एमालेबीच गठबन्धन भएको बताए ।