Sansar News
काठमाडौँ । सुदूरपश्चिम प्रदेशका मुख्यमन्त्री दीर्घबहादुर सोडारीले राजीनामा दिने तयारी गरेका छन् ।
मुख्यमन्त्री सोडारीले प्रदेशसभामा सम्बोधन गरेर आजै प्रदेश प्रमुखसमक्ष राजीनामा बुझाउने तयारी गरेकाे बताइएकाे छ ।
गत असार २० गते नेकपा एमालेले समर्थन फिर्ता लिएपछि सोडारी अल्पमतको सरकार चलाउँदै आएका छन्।
संवैधानिक व्यवस्थाअनुसार समर्थन फिर्ता लिएको एक महिनाभित्र संसदमा बहुमत सिद्ध गरिसक्नुपर्ने नभए प्रदेश सरकार ढल्ने हुन्छ।
बहुमत जुटाउने स्पष्ट आधार नभए राजीनामा दिएर अर्को सरकार गठनको मार्ग प्रशस्त गर्ने गरेको पनि संसदीय अभ्यास रहि आएकाे छ ।
आज दिउँसो ४ बजे बस्ने प्रदेशसभा बैठकमा सोडारीले विश्वासको मत लिने कार्यसूची छ ।
वि.सं.२०८१ साउन १८ शुक्रवार १२:५६ मा प्रकाशित
