Sansar News
काठमाडौं । लुम्बिनी प्रदेशका आठजना बिनाविभागीय मन्त्रीले जिम्मेवारी पाएका छन् । उनीहरुले मन्त्री नियुक्त भएको १० दिनपछि जिम्मेवारी पाएका हुन् ।
साउन ९गते नेकपा एमालेबाट पाँच र नेपाली कांग्रेसबाट चारजना गरी नौजना विनाविभागीय मन्त्री मुख्यमन्त्री चेतनारायण आचार्यले नियुक्त गरेका थिए ।
जसअनुसार कांग्रेसबाट आर्थिक मामिला तथा योजना मन्त्रीमा धनेन्द्र कार्की, सहरी विकास तथा खानेपानी मन्त्रीमा सरोज थापा, वन तथा वातावरणमा बादशाह कुर्मीले जिम्मेवारी पाएका छन् भने उद्योग, पर्यटन तथा यातायात मन्त्रीमा प्रचण्डविक्रम न्यौपानेलाई जिम्मेवारी दिइएको छ । साथै कांग्रेसले आफ्नो भागमा परेको एउटा मन्त्रालयमा मन्त्री अझै पठाउन सकेको छैन ।
त्यसैगरी एमालेबाट भौतिक पूर्वाधार विकास मन्त्रीमा भूमिश्वर ढकाल, कृषि तथा भूमि व्यवस्था मन्त्रीमा दिनेश पन्थी, स्वास्थ्य मन्त्रीमा खेम सारु र ऊर्जा जलश्रोत र सिँचाइ मन्त्रीमा सीता शर्मा चौधरीले जिम्मेवारी पाएका छन् ।
वि.सं.२०८१ साउन १८ शुक्रवार १४:२१ मा प्रकाशित
