Sansar News
काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओलीले गलत विचार वा अभ्यासले पार्टीहरु सकिने बताएका छन् ।
प्रधानमन्त्री ओलीले आइतबार नेकपा (एमाले), केन्द्रीय कार्यालय ललितपुरको च्यासलमा आयोजित पार्टीका मनोनीत केन्द्रीय सदस्यहरुको शपथग्रहण तथा पार्टी प्रवेश कार्यक्रमलाई सम्बोधन गर्दै यस्तो बताएका हुन् ।
अध्यक्ष ओलीले डेमोक्रेसीका नाममा गुटबन्दी हुँदा पार्टी सकिने बताएका हुन् । उनले लामो समयदेखि भएको गुटबन्दी रोक्न नसक्दा एमाले विभाजन भएको बताए ।
ओलीले भने, ‘हाम्रो पार्टीमा गुटबन्दी स्वीकार्य छैन’, कतिपयले उचाल्न सक्ने भन्दै उनले भने, ‘कुनै पनि मात्राको गुटबन्दी स्वीकार्य छैन अस्वस्थ शैली स्वीकार्य छैन ।’
फोटो : रासस
वि.सं.२०८१ साउन २० आइतवार १४:३७ मा प्रकाशित
