विराटनगर । अंश विवादमा श्रीमतीको हत्या गरेको आरोपमा मोरङको सुन्दरहरैँचामा श्रीमान् पक्राउ गरेका छन् । प्रहरीका अनुसार सुन्दरहरैँचा नगरपालिका-१० बाघझोडाकी श्रीमती ४१ वर्षीया पवित्रा फुयाँल नेपालको हत्याको अभियोगमा श्रीमान ५८ वर्षीय लक्ष्मण नेपाललाई पक्राउ परेका हुन् ।
सामान्य विवादमा लक्ष्मणले आइतबार बिहान ११ बजेतिर श्रीमतीमाथि खुकुरी प्रहार गरेको पाइएको प्रहरीको भनाइ छ । खुकुरी प्रहारबाट गम्भीर घाइते महिलाको नोबेल शिक्षण अस्पतालमा आइतबार दिउँसो मृत्यु भएको थियो ।
जिल्ला प्रहरी कार्यालय मोरङका प्रवक्ता डीएसपी ज्ञानेन्द्रबहादुर बस्नेतका अनुसार अंश विवादका कारण उक्त घटना भएको हो ।
वि.सं.२०८१ साउन २७ आइतवार १६:४४ मा प्रकाशित
