Sansar News
काठमाडौँ । एमालेका पूर्व मन्त्री र कलाकारसहित ११ जना हाइ प्रोफाइल जुवाडे पक्राउ परेका छन् । गौरी घाटबाट कोसी प्रदेशका एमालेका पूर्व मन्त्री तथा बुद्धि कुमार राज भण्डारीसहित ११ जना पक्राउ परेका हुन् । उनीहरूलाई प्रहरीले जुवा खेल्दै गरेको अवस्थामा पक्राउ गरेको हो ।
प्रदेश सांसद तथा कोसी प्रदेशका पूर्व मन्त्री बुद्धि कुमार राज भण्डारी, सोलुखुम्बुको सोताङ गाउँपालिकाका पूर्व अध्यक्ष बिर बहादुर राई र कलाकार पुरुषोत्तम शर्मासहित ११ जना पक्राउ पर्नेहरू हुन् । शर्मा टेलिसिरियल ‘सक्किगो निँ’ का कलाकार हुन् ।
प्रहरीले जुवा खालबाट एक लाख नगद बरामद गरेको छ । पक्राउ पर्नेहरूमा उत्तम कुमार राई, अनीश तामाङ, ठुला तामाङ, दीपक खड्का, भीम बहादुर साम्बाहाम्फे, रवि श्रेष्ठ, राजु महत र माधव थापा छन् । शनिवार पक्राउ गरेर प्रहरीले उनीहरूको बयान लिइसकेको छ ।
वि.सं.२०८१ साउन २७ आइतवार १६:०२ मा प्रकाशित
