हामी सबैकाे संसारन्यूज

धरान । धरान उपमहा नगरपालिकामा खानेपानीको विषयमा सहमति भएको छ । महसुल वृद्धिविरुद्ध आन्दोलनरत १० राजनीतिक दलको संयुक्त संघर्ष समिति र मेयर हर्कराज राई साम्पाङबिच लामो छलफल र वार्तापछि महशुल वृद्धिको निर्णय फिर्ता लिने सहमति जुटेकोे हो ।
सम्पाङ खानेपानी व्यवस्थापन बोर्डका अध्यक्षसमेत हुन् । दुई पक्षीय वार्तापछि तीन बुँदे सहमति गर्दै खानेपानी महशुलको पुरानो दर यथावत राखेर पुनर्विचार गििरने बताइएको छ ।
सहमतिको बुँदामा भनिएको छ, ‘खानेपानी महशुल वृद्धिबारे खानेपानी तथा सेवा महसुल निर्धारण आयोगलाई लिखित पत्र पठाई उसको जवाफ नआउन्जेल पुरानो दर महशुल यथावत राखी पुनर्विचार गर्ने निर्णय गरियो ।’

दोस्रो बुँदामा खानेपानी व्यवस्थापन बोर्डलाई पूर्णता दिनुपर्ने दलहरुले माग गर्दै आएका थिए । सात सदस्यीय बोर्डमा चार सदस्यको समयावधि सकिएकोले रिक्त रहेको छ । बोर्डलाई पूर्णता दिने विषय विराटनगरस्थित उच्च अलदालतमा विचाराधीन मुद्दाबारे आदेश प्राप्त भएपछि निर्णय गरिने भएको छ ।

अन्तिम बुँदामा खानेपानी बोर्डको हालसम्म सार्वजनिक नभएको आयव्यय ७ दिनभित्र सार्वजनिक गर्ने निर्णय भएको छ ।