Sansar News
काठमाडौँ । भक्तपुरको गठ्ठाघरमा ट्रकको ठक्करबाट स्कुटरमा सवार एक महिलाको मृत्यु भएको छ । हाल स्कुटरलाई ठक्कर दिने ट्रकमा स्थानीयले तोडफोड गर्नुका साथै सडक अवरुद्ध गरेका छन् ।
प्रहरी र प्रदर्शनकारीबिच ढुङ्गा हानाहान समेत भएको छ । ट्राफिक प्रहरीले चेकिङ गरिरहेका बेला रोकिराखेको बा ४९ प ८९४४ नम्बरको स्कुटरलाई ना ६ ख २१७३ नम्बरको ट्रकले ठक्कर दिएको थियो । ट्रकको ठक्करबाट स्कुटर केही मिटर परसम्म घिसारिएको थियो ।
दुर्घटनामा स्कुटरमा सवार महिलाको घटनास्थलमै मृत्यु भएको जिल्ला प्रहरी परिसर भक्तपुरका प्रमुख वेद विष्टले जानकारी दिए ।
वि.सं.२०८१ साउन ३१ बिहीवार १६:३९ मा प्रकाशित
