हामी सबैकाे संसारन्यूज

काठमाडौं । माछापुच्छ्रे बैंक लिमिटेडले कर्जामा छुट योजना संचालनमा ल्याएको छ । बैंकले आउदैँ गरेको नेपालीहरूको महान चाड पर्वको समयलाई लक्षित गरी एक महिनाको लागि कर्जा सुविधामा छुट गर्ने योजना संचालनमा ल्याएको हो ।

बैंकका अनुसार तीज, दशैं, तिहार तथा छठ पर्वलाई लक्षित योजनाअन्तर्गत बैंकले घर कर्जा लिने ग्राहकको लागिबेस रेटमा ०.५% प्रिमियम ब्याजदरमा कर्जा उपलब्ध गराउनुका साथै सोही ग्राहक गाडी कर्जा लिन ईच्छुक भएमा बेस रेटमा ०.५% प्रिमियम व्याजदरमा कर्जा उपलब्ध गराउनेछ । त्यसैगरी, उक्त कर्जा लिने ग्राहकले क्रेडिट कार्ड लिन चाहेमा विशेष छुट समेत प्राप्त गर्न सक्नेछन् ।

त्यस्तै बैंकले १ करोडसम्मको साना तथा मझौला कर्जाको लागि बेस रेटमा १% प्रिमियम ब्याजदरमा उपलब्ध गराउने जनाएको छ । यसका साथै उल्लेखित कर्जाहरुको सेवा शुल्कमा समेत विशेष सहुलियत प्रदान गर्ने बैंकले जनाएको छ । बैंकले माथि उल्लेखित अफरहरु भाद्र ३१ सम्म लागु हुने जनाएको छ ।

बैंकले देशका७ वटै प्रदेशमा १६५ वटा शाखा, १२ वटा एक्सटेन्सन काउन्टर, १३० शाखारहित बैंकिङ्ग सेवा, २०२ वटा एटिएम मार्फत १५ लाखभन्दा बढी ग्राहकहरुलाई सेवा प्रदान गर्दै आईरहेको जनाएको छ ।