हामी सबैकाे संसारन्यूज

काठमाडौँ । काठमाडौँ महानगरपालिकाले श्रीकेश तेल उत्पादक कम्पनी सप्तऋषि ओयल एण्ड कस्मेटिक इण्डष्ट्रीलाई दुई लाख रुपैयाँ जरिवाना गरेको छ ।

उत्पादक कम्पनीसँग माग गरिएका विवरणका आधारमा तयार पारिएको प्राविधिक विश्लेषण प्रतिवेदनमा गुणस्तर पुष्टि हुन नसकेपछि महानगरले जरिवाना तिराएको छ ।

तेलको गुणस्तरका विषयमा गुनासो आएपछि महानगरपालिकाले असार सात गते विवरण माग गरेको थियो । उक्त विवरणका आधारमा प्रतिवेदन तयार गरेको र सोही प्रतिवेदनका आधारमा जरिवाना तिराएको हो ।

माग भएका विवरणमा तेलमा प्रयोग हुने कच्चा पदार्थको प्राविधिक समिश्रणको विधि (फर्मुलेसन, रेसपी मेथड) को कागजात भेटिएको थिएन । अनुगमनमा जाँदा कारखानामा स्टाण्डर्ड अपरेसन प्रोसिड्युरको अभिलेखपनि पाइएको थिएन ।