काठमाडौँ । बालुवाटारमा तीन शीर्ष नेताबीच भेटवार्ता भएको छ । आज बिहान प्रधानमन्त्री केपी शर्मा ओली, नेपाली कांग्रेस सभापति शेरबहादुर देउवा र नेकपा माओवादी केन्द्रका अध्यक्ष पु्ष्पकमल दाहाल ‘प्रचण्ड’बिच भेटवार्ता भएको हो ।
ओली र प्रचण्डको कुराकानी भइरहेकै समय देउवा पनि बालुवाटार पुगेका थिए । सत्तारुढ दलहरुले उपसभामुख इन्दिरा रानालाई हटाउने तयारी गरिरहेका बेला भएको भेटलाई अर्थपूर्ण मानिएको छ । माओवादीले सरकारको यो कदमको विरोध गर्दै आइरहेको छ ।
प्रधानन्यायाधीश नियुक्तिका लागि हिजो संवैधानिक परिषद्को बैठक बोलाइएको थियो । तर, राना र प्रचण्डको उपस्थिति निश्चित नरहेको बैठक भोलिसम्मका लागि सारिएको थियो ।
आजको भेटमा समसामयिक राजनीतिक परिस्थिति, संवैधानिक परिषद् बैठक तथा संयुक्त राष्ट्रसंघको महासभामा सहभागी हुने प्रधानमन्त्रीको आशन्न अमेरिका भ्रमणलगायत विषयमा कुराकानी भएको बुझिएको छ ।
वि.सं.२०८१ भदौ २७ बिहीवार १२:०४ मा प्रकाशित
