हामी सबैकाे संसारन्यूज

काठमाडौँ । मेडिकल व्यवसायी दुर्गा प्रसाईँलाई थुनामुक्त गर्न सर्वोच्च अदालतले अस्वीकार गरेको छ । प्रसाईँका छोरा नीराजन प्रसाईँले दायर गरेको बन्दी प्रत्यक्षीकरणको रिट निवेदनमा सुनुवाइ गर्दै न्यायाधीश प्रकाशमान सिंह राउतको एकल इजलासले कारण देखाऊ आदेश जारी गरेको हो ।

प्रसाईँले आफूलाई गैर कानुनी रूपमा थुनामा राखिएको दाबी गर्दै तत्काल रिहाइका लागि अन्तरिम आदेश माग गरेका थिए । रास्वपा केन्द्रीय सदस्य टीका सङ्ग्रौला (ज्वाला) लगायतले साइबर क्राइमको आरोपमा जाहेरी दिएपछि प्रहरीले प्रसाईँलाई आइतबार पक्राउ गरेको थियो ।

जिल्ला अदालत काठमाडौँले आइतबार नै उनीमाथि अनुसन्धान गर्न तीन दिन हिरासतमा राख्न अनुमति दिएको छ ।