Sansar News
काठमाडौँ । माओवादी केन्द्रनिकट अखिल क्रान्तिकारीको बुधवार हुने भनिएको निर्वाचन प्रक्रिया स्थगित भएपछि प्रतिनिधिद्वारा कुर्सी तोडफोड भएको छ ।
नेकपा माओवादी केन्द्रका अध्यक्ष पुष्पकलम दाहाल प्रचण्ड निवास खुमलटारमा बसेको पदाधिकारी बैठकले बुधवारका लागि तय भएको निर्वाचन प्रक्रिया स्थगित गर्ने निर्णय गरेको थियो ।
विशेष स्रोतका अनुसार निर्वाचन प्रक्रिया तत्काल सुरु गर भन्दै असन्तुष्ट विद्यार्थी प्रतिनिधिले भुँमा कुर्सी बजार्दै तोडफोड गरेका हुन् । एक विद्यार्थी नेताले भने अझै पनि सहमतिको प्रयास गरिने र नभएको खण्डमा बिहीबारदेखि फेरि निर्वाचनको प्रक्रिया अगाडि बढाइने बताए ।
उमेर हदबन्दीको विषय र नेतृत्व छनोटमा सहमति नजुट्दा अखिल क्रान्तिकारीको राष्ट्रिय सम्मेलन लम्बिएको छ ।
वि.सं.२०८१ असोज १६ बुधवार १४:३० मा प्रकाशित
