हामी सबैकाे संसारन्यूज

काठमाडौँ । सहकारी ठगी प्रकरणमा पक्राउ परेका रास्वपा सभापति रवि लामिछानेमाथि दुर्व्यवहार नभएको कास्की प्रहरीले जनाएको छ । हिरासतमा आदरार्थी शब्दको प्रयोग नगरेको, हिरासतमा दुर्व्यवहार गरेको लगायतका आरोपको कास्की प्रहरीले एक विज्ञप्तीमार्फत खण्डन गरेको छ ।

जिल्ला प्रहरी कास्कीका नायब उपरीक्षक बसन्त कुमार शर्माले निकालेको विज्ञप्तिमामार्फत रविमााथि लगााएको आरोपबारे खण्डन गरिएको हो । पूर्वगृहमन्त्री समेत रहेका लामिछानेलाई गत कात्तिक २ गते काठमाडौँबाट पक्राउ गरेर कास्की लगिएको थियो । उनी पोखरास्थित जिल्ला प्रहरी कार्यालयको हिरासतमा छन् ।

प्रहरीले उनीमाथि सहकारी ठगी, संगठित अपराध तथा सम्पत्ति शुद्धिकरण सम्बन्धी मुद्दामा अनुसन्धान गरिरहेको छ ।
उनलाई कात्तिक ८ गते बिहीबार अदालतले थप ७ दिन हिरासतमा राखेर अनुसन्धान गर्न अनुमति दिएको थियो । कास्की प्रहरीले अदालतमा उपस्थित गराउँदा प्रहरीले आदरार्थी शब्दको प्रयोग नगरेको भन्दै ध्यानाकर्षण गराएको छ ।