हामी सबैकाे संसारन्यूज

स्पन्दन विनोद
विरुवा, भक्तपुर हाल-वेलायत

नसाले तर्कना भन्दा दियो आभास जीवनमा
ढले जस्तै सिसामाथि खसेछन् खास जीवनमा

कसैले भन्दथ्यो रोऊ रुँदा झन् हुन्छ आनन्द
रहेनन् आँसु आँखामा रहोस् के आस जीवनमा

बगरमा बस्दथेँ हरपल बगेका बालुवा हेर्दै
यता गर्छन् उता गर्छन् छ के मधुमास जीवनमा

मलाई घाइते पारी तिमी सोध्छ्यौ गरूँ के के ?
बिरालोसँग मुसाले जो ग¥यो विश्वास जीवनमा

दगुर्छन् कुण्डली बोकी बिहेको सोचले मान्छे
बिना यो कुण्डली नाता छ के सन्त्रास जीवनमा

बहर -हजज मुसम्मन सालिम
अर्कान – मुफाईलुन् मुफाईलुन् मुफाईलुन् मुफाईलुन्
वजन – १२२२ १२२२ १२२२ १२२३
काफिया – आस
रदिफ – जीवनमा
अभ्यास -परिश्रमी पाठशाला