हामी सबैकाे संसारन्यूज

कैलाली । टेलिभिजन रियालिटी शो कमेडी च्याम्पियनका पूर्वप्रतियोगी हिक्मत महराको दुर्घटनामा निधन भएको छ । कैलालीको गोदावरीमा मंगलबार साँझ भएको मोटरसाइकल दुर्घटनामा उनले ज्यान गुमाएका हुन् ।

जिल्ला प्रहरी कार्यालय कैलालीका अनुसार महराले चलाएको २प ९११७ नम्बरको मोटरसाइकल गोदावरी मन्दिर नजिक रोकिराखेको ट्रकमा अनियन्त्रित भएर ठोकिएको थियो । गम्भीर घाइते भएका महराको सेती प्रादेशिक अस्पताल धनगढीमा  मृत्यु भएको जिल्ला प्रहरी कार्यालय कैलाली प्रहरी निरीक्षक दर्शन खड्काले जानकारी दिए ।

कमेडी च्याम्पियनको दोस्रो सिजनमा भाग लिएका हिक्मत टप ४ सम्म पुगेका थिए । ६ हजार प्रतियोगीसँगै डिजिटल अडिसन दिएर १ सय ८० जनामा छनोट भएपश्चात टप २४, १५, ११ हुँदै उत्कृष्ट चारमा पुगेका हुन् । उत्कृष्ट ४ बाट भने उनी भोटको आधारमा बाहिरिएका थिए ।