हामी सबैकाे संसारन्यूज

न्यूयोर्क । नेपाली अमेरिकन कलाकार सँघद्वारा आयोजित वार्षिक सांस्कृतिक कार्यक्रम ‘रमझम साँझ–२०२४’ गुल्सन टेरेश हलमा भव्यताका साथ सम्पन्न भएको छ ।

यस कार्यक्रमले नेपाली कला र संस्कृतिको प्रस्तुति गर्दै न्यूयोर्कका नेपाली समुदायलाई एकत्रित गर्दै सांस्कृतिक धरोहरको संरक्षण र प्रवर्धनमा महत्त्वपूर्ण योगदान पु¥याएको छ । हल खचाखच भरिएको थियो, र उपस्थित सबै दर्शकहरूले आफ्नो माया र सांस्कृतिक पहिचानको सम्मान गर्दै कार्यक्रमलाई सफल बनाउन महत्वपूर्ण भूमिका निभाएका थिए ।

कार्यक्रमको सन्चालन सँगीता थापा मगर र दिलीप शिरीष मगरले गरेका ििथए । उनीहरूको आकर्षक सन्चालनले कार्यक्रमलाई थप मनोरञ्जनात्मक र आकर्षक बनायो ।

कार्यक्रमको औपचारिक उद्घाटन प्रमुख अतिथि सपना श्रीको उपस्थितिमा गरिएको थियो भने । स्वागत मन्तव्य संघका वरिष्ठ उपाध्यक्ष बिमल डाँगीले गरेका थिए । उनले कार्यक्रमको उद्देश्य र महत्वलाई स्पष्ट गर्दै उपस्थित सबैलाई सस्नेह स्वागत गरेका थिए । संरक्षक निसा सुनारले नेपाली सांस्कृतिक परम्पराको संरक्षण र प्रवद्र्धनमा कार्यक्रमको भूमिका र योगदानलाई सम्मान गर्दै सबै सहभागीलाई धन्यवाद व्यक्त गरिन् । संघकी अध्यक्ष बसन्ती राईले यस कार्यक्रमको दीर्घकालीन योगदान र महत्वलाई प्रष्ट्याउँदै सबैलाई आभार व्यक्त गरिन् ।

कार्यक्रममा न्यूयोर्कका मेयर एरिक आडम्सको कार्यालयबाट महागायक राजेश पायल राई र संस्थाकी अध्यक्ष बसन्ती राईलाई विशेष सम्मान प्रदान गरिएको थियो । यी सम्मानहरू संगीत र समाजसेवामा गरिएको अतुलनीय योगदानको कदर स्वरूप प्रदान गरिएको थियो । जसले उपस्थित दर्शकहरूको मन जित्यो ।

सांगीतिक प्रस्तुतिहरूले कार्यक्रमलाई अझ विशेष र रंगीन बनायो । प्रेम सेन्चुरीको ‘हे जननी अब बुद्ध जन्माईदेऊ’ र दिनेश सुनारको ‘पार्कर’ प्रस्तुतिले कार्यक्रमको शुरुवातलाई अत्यन्तै भावुक र प्रेरणादायी बनायो । राजन ठकुरीको एकल गायनले सारा हलमा भावनात्मक वातावरण सिर्जना गर्यो । युनाइटेड किराँत राई अर्गनाइजेशनको परम्परागत नृत्य र मगर संघ न्यूयोर्क च्याप्टरको सांस्कृतिक प्रस्तुति दर्शकहरूको मनमोहक बन्यो, जसले नेपाली सांस्कृतिक विविधतामा हराएको थियो ।

कार्यक्रमका प्रमुख आकर्षण भनेको राजेश पायल राईको विशेष प्रस्तुति थियो । उनको सुमधुर आवाज र चर्चित गीतहरूको प्रस्तुतिले हलमा उत्साहको माहोल सिर्जना गरेको थियो । उनका गीतहरूले उपस्थित सबैलाई नाच्न र गाउन प्रेरित गरे, जसले कार्यक्रमको रंगीनता थपियो ।

शंकर बिसी र पार्वती राईको नृत्य एक अद्वितीय रहेको थियो । उनीहरूको जोडीले नृत्यमा नेपाली लोक र आधुनिक शैलीको सुमधुर मिलन प्रस्तुत गर्दै, दर्शकहरूलाई मन्त्रमुग्ध पा¥यो ।
त्यसैगरी, शिव विक र ऊषा लामाको जोडीको नृत्यले नेपाली परम्परागत नृत्यको साथ आधुनिक अनुशासनलाई प्रस्तुत गर्दै सबैलाई आकर्षित ग¥यो । यो जोडीको नृत्यमा हल्का हाँसो र जोश देखिन्थ्यो ।

सृजना बिरही थापाको गीत र रश्मी तामाङको नृत्यले कार्यक्रमलाई अझ जीवित र रंगीन बनाएको थियो । सृजनाले नेपाली लोक संगीतमा भावनाको गहिराइ प्रस्तुत गरे, जसले सारा हललाई भावनात्मक उचाइमा पु¥यायो । रश्मी तामाङको नृत्य, जसले नेपाली परम्परागत नृत्य र समकालीन शैलीको उत्कृष्ट मिश्रण प्रस्तुत ग¥यो, उपस्थित दर्शकहरूलाई रोमाञ्चित बनायो ।

लाईभटाइम सम्मान समारोहमा अभय ढुंगेल र संगीता मुखियालाई नेपाली संगीत र समाजसेवामा गरेको योगदानको कदर गर्दै सम्मानपत्र, प्रशंसा चिन्ह र नगद पुरस्कार प्रदान गरियो । यस सम्मानले उनीहरूको दीर्घकालीन कार्य र योगदानको मूल्यांकन गरेको बताइएको छ ।

कार्यक्रमको समापन डीजे राजाको प्रस्तुत संगीतसँगै भएको डीजे पार्टीले हलको वातावरणलाई एकदम उत्साही र ऊर्जा पूर्ण बनायो। सबले नाच्न र रमाइलो गर्न पाएका थिए । समापन समारोहमा बसन्ती राई र निसा सुनारले कार्यक्रमको सफलतापूर्वक सम्पन्नतामा सहभागी सबैलाई धन्यवाद ज्ञापन गरेका थिए ।