Sansar News
काठमाडौं । नेपाल बैंक र क्रिस्टल डायग्नोस्टिक प्रा.लि.बिच सम्झौता भएको छ । बैंक र डायग्नोस्टिकबीच शुक्रवार नेपाल बैंक लिमिटेडमा कार्यरत कर्मचारीहरु र बैंकमाखाता रहेका ग्राहकहरूलाई काठमाडौंको सिनामंगलमा रहेको क्रिस्टल डायग्नोस्टिकमा उपचार गर्दा लाग्ने शुल्कमा विशेष छुट प्रदान गर्ने सम्बन्धी सम्झौता भएको हो ।
उक्त सम्झौता अनुसार नेपाल बैंकमा कार्यरत कर्मचारीहरूलाई र बैंकमाखाता रहेका ग्राहकहरूलाई प्याथोलोजि ल्यावको विविध सेवाहरूमा लाग्ने शुल्कहरूमा बिल रकमको १० प्रतिशतदेखि ३० प्रतिशतसम्म छुट हुने व्यवस्था गरिएको छ ।
सम्झौतापत्रमा बैकको तर्फबाट सहायक प्रमुखकार्यकारी अधिकृत प्रकाश कुमार अधिकारी र क्रिस्टल डायग्नोस्टिकको तर्फबाट प्रबन्ध निर्देशक रबिन्द्र के.सी.ले हस्ताक्षर गरेका छन् । यसबाट नेपाल बैंक लिमिटेडमा कार्यरत कर्मचारीहरू र बैंकमा खाता रहेका ग्राहकहरूले अस्पतालबाट प्रदान गरिने जेनेरल प्याथोलोजी टेस्ट, मोलेकुलर टेस्ट,आउटसोर्सिङ टेस्ट, यूसीजी, इसीएचओ, इसीजी, एक्स-रे, पीएफटी, इन्डोस्कोपी, कोलोनोस्कपी आरटी-पीसीआर टेस्ट आदीजस्ता स्वास्थ्य सेवाबाट लाभान्वित हुन सक्ने बैंकले जनाएको छ ।
वि.सं.२०८१ पुस २१ आइतवार १६:१४ मा प्रकाशित
